Komisioni i Garave i Federatës së Basketbollit të Kosovës (FBK) ka publikuar vendimet e radhës të javës së 18-të në Superligë.

Dënimet më të rënda janë shqiptuar ndaj KB Trepçës, shkruan Gazeta Express.

Klubi mitrovicas në total është dënuar me gjobë prej 1400 eurosh, si shkak i sjelljeve jo-sportive të tifozëve, të cilët në kor kanë fyer zyrtarët e ndeshjes dhe Federatës gjithashtu.

Si shkak i sjelljeve jo-sportive të tifozëve është dënuar edhe KB Vëllaznimi, me gjobë prej 600 eurosh.

Për shkak të “Gabimeve Teknike” janë dënuar trajnerët, Josip Plantak dhe Ahmet Kandemir, si dhe KB Ponte Prizreni. /Gazeta Express/