Fede Valverde po kalon një moment delikat te Real Madrid. Ardhja e Xabi Alonsos ka ndryshuar skemën e lojës dhe uruguaiani po has vështirësi të gjejë rolin e tij në skuadër.

Mesfushori nuk dëshiron të aktivizohet si mbrojtës i djathtë, ndërsa ndikimi i tij në mesfushë është zvogëluar.

I kritikuar për paraqitjet e fundit, ai ka humbur rëndësinë në një dhomë zhveshjeje shumë kërkuese.

Trajneri i ri ka ndryshuar mënyrën se si luan Real Madridi. Xabi Alonso kërkon një stil më të kontrolluar, me mesfushorë teknikisht të zotë dhe të disiplinuar në qarkullimin e topit.

Ky qasje e ka lënë Valverden në një lloj limboje, pasi fuqia e tij fizike dhe aftësia për të depërtuar në sulm nuk përshtaten plotësisht me stilin aktual të baskut.

Shembulli më i qartë ishte humbja 5-2 kundër Atletico Madrid, ku uruguaiani u ekspozua dhe nuk arriti të ndikonte në ritmin e lojës.

Raportime të qarta nga Anglia theksojnë se Tottenham e ka bërë Fede Valverden një prioritet kryesor në listën e transferimeve.

Klubi londinez kërkon forcë dhe talent në mesfushë dhe është i gatshëm të investojë një shumë të konsiderueshme për ta bindur Real Madridin.

Premierliga shihet si skena ideale për uruguaianin për shkak të intensitetit dhe stilit të lojës.

Në Angli ka besim se aftësitë e tij dykahëshe dhe atributet fizike do të përshtateshin më mirë sesa në sistemin e Xabi Alonsos në Spanjë.

Premierliga tashmë është bërë destinacioni i preferuar për lojtarët që kërkojnë të rilindin në karrierë, dhe Valverde mund të ndjekë të njëjtën rrugë nëse Tottenham e konkretizon interesimin.

Edhe klube të tjera angleze kanë sondazhuar situatën e tij, por londinezët kryesojnë në bisedimet paraprake. Një

 transferim në Angli do të përfaqësonte jo vetëm një sfidë sportive, por edhe një rritje të ekspozimit mediatik dhe përfitimeve financiare.

Brenda Real Madridit ka debat. Një pjesë e bordit beson se Fede Valverde ka ende shumë për të ofruar nëse përshtatet me planin e Xabi Alonsos, por drejtues të tjerë e shohin një shitje të mundshme si një mundësi për të gjeneruar të ardhura të mëdha dhe për të hapur hapësirë për afrime të reja në merkaton e ardhshme.

E ardhmja e uruguaianit do të varet nga paraqitjet e tij në muajt e ardhshëm dhe këmbëngulja e Tottenhamit për ta sjellë në Premierligë.

Ndërkohë, lojtari qëndron në heshtje. Ai e di se vazhdimësia e tij te Real Madridi nuk është e garantuar dhe është i pakënaqur me rolin aktual.

Tottenham i ofron atij një rol qendror dhe të menjëhershëm në një projekt ambicioz. Mundësia për të shkëlqyer në Premierligë është një tundim i vështirë për t’u injoruar.

Fede Valverde, një figurë kyçe e së kaluarës së afërt, tani ndodhet në një udhëkryq: të rindërtohet te Real Madridi apo të hedhë hapin vendimtar drejt Londrës./GazetaExpress/