Mund të thuhet se Felipe Melo ishte i lumtur të shihte ish-klubin e tij, Juventus, të eliminohej nga Liga e Kampionëve nga Galatasaray, ndërsa u shfaq duke buzëqeshur në një video dhe duke thirrur “bye bye”.

Mesfushori i dikurshëm brazilian e talli Juventusin pas daljes së “Bianconerëve” nga Liga e Kampionëve të mërkurën.

Edhe pse Juventusi fitoi 3-2 ndaj Galatasaray, kjo nuk mjaftoi për të siguruar një vend në 1/8 e finales, dhe Melo festoi eliminimin e Juventusit me një video në rrjetet sociale, e cila më pas u shpërnda nga “Gazzetta dello Sport”.

Ish-mesfushori i të dy klubeve, Juve dhe Galatasaray, u shfaq duke buzëqeshur dhe duke bërtitur përpara televizorit në fund të ndeshjes: “Bye bye, të gjithë shkoni në shtëpi,” tha 42-vjeçari.

Melo kaloi dy sezone te Juventus nga 2009 deri në 2011, duke shënuar vetëm katër gola në 78 paraqitje, dhe më parë kishte pranuar se kishte pasur një eksperiencë të vështirë në Torino./GazetaExpress/