Fermerët në Serbi kanë bllokuar për të dhjetën ditë me radhë disa rrugë rajonale dhe lokale, duke kërkuar mbrojtje për prodhuesit vendas të qumështit, rritje të çmimit të grumbullimit dhe kufizim të importit të produkteve të qumështit.

Me traktorë ata kanë ndaluar qarkullimin në disa zona në perëndim të vendit, ndërsa kanë paralajmëruar se protestat do të vazhdojnë deri në përmbushjen e kërkesave të tyre.

Fermerët që po organizojnë bllokadat nuk morën pjesë në takimin me ministrin e Bujqësisë, duke deklaruar se nuk ishin ftuar në atë takim. /REL