Nicholas Kyrgios, i njohur si problematiku i tenisit, ka kërkuar që tifozët të mos ia përmendin kurrë më veprimet e tij të papërgjegjshme, pasi që tha se turneu dhe festa e Novak Djokovicit ia ka lënë nën hije të gjitha ato veprime.
Pasi ATP-ja vendosi t’i suspendojë të gjitha garat zyrtare të tenisit shkaku i përhapjes së Covid-19 në botë, Novak Djokovic e nisi një turne më 13 qershor në Beograd, që më pas u zhvendos në Zadar të Kroacisë, transmeton Gazeta Express.
Tenistët Grigor Dimitrov, Borna Coric dhe Viktor Troiki të gjithë rezultuan pozitiv me Covid-19 gjatë fundjavës, ndërsa të njëjtin fat e pësoi edhe Djokovic sot.
Kjo ka bërë që planet për kthimin e garave zyrtare të tenisit në gusht të vihen në pikëpyetje – gjë që ka shtyrë reagime të ashpra nga bota e tenisit, në mesin e të cilëve edhe vetë Kyrgios.
“Lutem për të gjithë lojtarët që janë infektuar me Covid-19”, ka thënë Kyrgios, në reagim ndaj një videoje ku shihen tenistët dhe një numër i madh i njerëzve duke festuar së bashku gjatë ditëve të fundit.
“Mos më etiketoni më për çfarëdo që kam bërë që ka qenë ‘e papërgjegjshme’ ose është klasifikuar si ‘budallallëk’ – ky është kulmi”.
Prayers up to all the players that have contracted Covid - 19. Don’t @ me for anything I’ve done that has been ‘irresponsible’ or classified as ‘stupidity’ - this takes the cake. https://t.co/lVligELgID
Më vonë, Kyrgious edhe e shpërndau një reagim të Melanie Maizels ndaj postimit të tij. Ajo shkroi “sa budallenj mund të jenë ata, sinqerisht?”, teksa Kyrgios la të kuptohet se edhe ai pajtohet me vlerësimin e saj. /Gazeta Express/
