KF Llapi ka siguruar një vend në gjysmëfinale të Kupës së Kosovës pas një ndeshjeje dramatike ndaj KF Malisheva.
Koha e rregullt e takimit përfundoi 1:1, ndërsa pas vazhdimeve rezultati u barazua 2:2. Fituesi u përcaktua vetëm pas penalltive, ku llapjanët u treguan më të saktë dhe prenë biletën për në gjysmëfinale të garës.
Me këtë kualifikim, Llapi iu bashkua në mesin e katër skuadrave, FC Ballkani, KF Dukagjini dhe KF Ferizaj.
Pas përfundimit të ndeshjes, atmosfera në dhomat e zhveshjes së Llapit ishte elektrizuese. Lojtarët festuan çmendurisht kualifikimin, me këngë e brohoritje për fitoren e madhe.
Madje, në mes të festës, futbollistët u dëgjuan duke ia kërkuar edhe “premitë” trajnerit Tahir Batatina për këtë sukses, duke sjellë momente plot humor dhe gëzim pas një beteje të madhe në fushë.
