Federata e Hendbollit e Kosovës (FHK) ka falënderuar shqiptarët që përkrahen Kombëtaren e Kosovës sot në Tuzllë.

“Dardanët” u përballen me Bosnjë-Hercegovinën në kuadër të ciklit kualifikues për Kampionatin Evropian “Euro 2024”, shkruan Gazeta Express.

Vendasit triumfuan me rezultatin 25:18, duke ia shuar kështu shpresat Kosovës për një kualifikim.

FHK ka falëndruar shqiptarët që ishin të pranishëm në palestër sonte, duke shkruar: “Falenderojmë shqiptarët e Tuzllës dhe qyteteve tjera të Bosnjë-Hercegovinës për përkrahjen në palestër”.

Në fillimin e ndeshjes u shfaq një mesazh nga tifozët boshnjakë, që mori vëmendje gjithashtu.

“Mirë se vini lojtarë, Kosova e pavarur”, thuhej në mesazhin e shfaqur nga tifogrupi “BHFanaticos”.

FHK falënderoi edhe tifozët në fjalë, duke shkruar: “Po ashtu mirënjohje për tifozët e Bosnjë-Hercegovinës për mesazhin e fuqishëm të shfaqur gjatë intonimit të himnit tonë në palestrën në Tuzlla”. /Gazeta Express/