Forma e fundit e kampionëve të La Ligës, Barcelona, ka ngritur alarmin pas perdeve në kryeqytetin katalanas.
Kështu raporton Fichajes, që konfirmon se disa anëtarë të bordit në Spotify Camp Nou kanë filluar të humbasin besimin te aftësitë e Hansi Flick.
Barcelona, natyrisht, është kritikuar disa herë gjatë javëve të fundit.
Kjo vjen pasi blaugranat po kalojnë sezoni me luhatje, sidomos në garat evropiane.
Vetëm këtë javë, problemet e vazhdueshme në mbrojtje u zbuluan edhe një herë, gjatë humbjes 3-0 ndaj Chelseat.
Dhe gishti i fajit, duket, po drejtohet gjithnjë e më shumë drejt një njeriu: Hansi Flick.
Sipas raportit nga Fichajes: “E ardhmja e trajnerit gjerman është kthyer në një nga debatet më të nxehta brenda FC Barcelona, pasi ai ende nuk ka arritur të stabilizojë paraqitjet e skuadrës dhe menaxhimi i tij ka filluar të ngrejë dyshime tek bordi.”
Madje, thuhet se bordi i Barcelonës tashmë ka filluar të shikojë në treg për zëvendësues të mundshëm për trajnerin që ndodhet nën presion./GazetaExpress/
