Juventusi ka arritur një fitore të rëndësishme 2-1 ndaj Cagliarit në Serie A, duke e shtuar bilancin e pikëve në 23 dhe duke u ngjitur në vendin e 7-të në tabelë.

Ndeshja nisi me Cagliarin që kaloi në epërsi në minutën e 26, falë një goli të shënuar nga Esposito, i cili realizoi pas një topi nga korneri.

Por, Juventus reagoi menjëherë dhe barazoi vetëm një minutë më pas. Yildiz shënoi për 1-1 në minutën e 27, duke nxitur një atmosferë të nxehtë në fushë, shkruan Gazeta Express.

Yildiz ishte protagonist edhe në minutën e 46-të, kur shënoi golin e dytë për Juventusin, duke i dhënë një avantazh të dukshëm skuadrës së tij.

Cagliari nuk arriti të reagonte pas këtij momenti, ndërsa Juventus vazhdoi të dominojë ndeshjen deri në përfundim.

Një moment tjetër ishte fakti se Edon Zhegrova, lojtari i Kosovës, nuk u aktivizua fare, duke mos marrë minuta në këtë përballje, për shkak të vendimit të trajnerit. /GazetaExpress/