Fitorja e jashtëzakonshme e Dritës ndaj Shkëndijës së Tetovës në UEFA Conference League ka sjellë një përparim të rëndësishëm për futbollin kosovar në arenën evropiane.

Suksesi i mbrëmshëm ka ndikuar drejtpërdrejt në koeficientin e vendit, duke e ngritur Kosovën për dy pozita në renditjen e UEFA-s.

Aktualisht, Kosova pozicionohet në vendin e 35-të, duke vazhduar trendin pozitiv të rritjes së koeficientit dhe duke dëshmuar zhvillimin e vazhdueshëm të kampionatit tonë.

Ky progres është rezultat i paraqitjeve të forta të skuadrave kosovare, të cilat po tregojnë gjithnjë e më shumë se mund të konkurrrojnë me dinjitet në arenën evropiane.

Atmosfera optimiste është e dukshme, teksa futbolli kosovar po tregon se ka potencial të arrijë edhe më lart. /GazetaExpress/