Newcastle United shkroi një nga mbrëmjet më të paharrueshme në Champions League, duke mposhtur Qarabag FK me një rezultat të thellë dhe duke siguruar një epërsi prej 6-1 në total për ndeshjen e kthimit në St. James’ Park.
Anthony Gordon ishte ylli absolut i ndeshjes, duke shënuar katër gola në pjesën e parë, përfshirë dy penallti. Megjithatë, pas penalltisë së dytë, ai u përplas me shokun e skuadrës, Kieran Trippier, i cili u pakënaq për faktin që nuk u lejua të ekzekutonte penalltinë e tij.
Debati u qetësua shpejt, me ndërhyrjen e Dan Burn dhe Anthony Elanga, ndërsa pas ndeshjes, të dy lojtarët shpjeguan situatën për TNT Sports. Trippier tha: “Gordy shënoi katër gola, ishte i pabesueshëm sot. Emocionet janë të larta në fushë dhe kjo është normale. Ai është ekzekutuesi ynë i penalltive dhe duhet ta respektojmë atë.”
Nga ana e tij, Gordon shtoi: “E kuptoj opinionin e të gjithëve, por unë jam sulmuesi dhe ekzekutuesi i penalltive, dua të shënoj sa më shumë gola të mundem. Trippier është një nga shokët e mi më të afërt dhe gjithçka është në rregull.”
Trajneri Eddie Howe gjithashtu e lavdëroi Gordon, duke theksuar performancën e jashtëzakonshme në pjesën e parë dhe ndikimin e tij në lojën jashtë topit.
Një mbrëmje historike për Newcastle, ku katër gola të Gordon dhe organizimi i skuadrës treguan fuqinë e “Magpies” në Europë. /GazetaExpress
