Trajneri i Barcelonës, Hansi Flick, theksoi rëndësinë e fitores ndaj Atlético Madrid, duke minimizuar në të njëjtën kohë seriozitetin e lëndimeve të pësuara nga lojtarët e Barcelonës gjatë ndeshjes.
Flick deklaroi, sipas “Marca”: “Ne e kontrolluam ndeshjen dhe siguruam tre pikë shumë të rëndësishme.”
Ai shtoi: “Dalja me karton të kuq e Gerard Martín? Ndërhyrja nuk e meritonte një karton të kuq. Për mua, Gerard preku topin dhe nuk kishte fare faull.”
Sa i përket lëndimeve të Marc Bernal dhe Ronald Araújo, trajneri gjerman u shpreh: “Duhet të presim deri nesër, por nuk duken shumë serioze.”
Ai vazhdoi: “Luajtëm kundër një skuadre me një lojtar më pak dhe ata u mbrojtën mirë, por mendoj se ne e kontrolluam ndeshjen dhe provuam gjithçka për të shënuar golin e dytë. Morëm tre pikët; nuk është e lehtë të luash këtu në një atmosferë të tillë me emocione të forta, dhe jam shumë i lumtur për këtë fitore.”
Më tej shtoi: “Gara në La Liga? Ne nuk shikojmë kurrë skuadrat e tjera; në fund duhet të fokusohemi te vetja dhe të bëjmë punën tonë. Ka gjëra që mund t’i përmirësojmë, dhe Araújo ka pasur probleme fizike, ashtu si edhe Bernal, dhe shpresojmë që të mos jetë asgjë serioze.”
Ai deklaroi gjithashtu: “Të flasim për rinovimin e kontratës së Robert Lewandowski është herët për momentin; kemi ende tetë ndeshje në La Liga dhe duhet të jemi gati dhe të fokusohemi tek ato.”
Flick shtoi: “Gabimi i Real Madrid? Siç e dini, unë nuk merrem me skuadrat e tjera; fokusi im është vetëm te skuadra jonë. Ndeshja e parë pas pauzës së kombëtareve është gjithmonë e vështirë, dhe të martën kemi një tjetër përballje të vështirë kundër Atlético-s. Jemi të lumtur, por nuk kemi festuar më shumë seç duhet.”
Sa i përket të ardhmes së Marcus Rashford, Flick përfundoi: “Duhet të fokusohemi fillimisht te sezoni aktual dhe pastaj do të shohim çfarë ndodh; ai është një lojtar që e ka dëshmuar tashmë cilësinë e tij.”/GazetaExpress/
