Presidenti amerikan Donald Trump thotë se planifikon ta padisë komedianin Trevor Noah, pasi ky i fundit la të kuptohej se Trump ka qenë në ishullin e Jeffrey Epstein gjatë ceremonisë së ndarjes së çmimeve Grammy mbrëmë, raporton BBC.
Pasi u shpall çmimi për Këngën e Vitit, Noah tha: “Wow, ky është një Grammy që çdo artist e dëshiron. Pothuajse po aq sa Trump dëshiron Groenlandën. Gjë që ka kuptim, sepse tani që ishulli i Epstein është zhdukur, atij i duhet një i ri ku të shoqërohet me Bill Clinton”.
Trump u përgjigj në Truth Social:
“Noah tha, GABIMISHT për mua, se Donald Trump dhe Bill Clinton kanë kaluar kohë në Ishullin e Epstein-it".
“GABIM!!! Nuk mund të flas për Bill, por unë kurrë nuk kam qenë në Ishullin e Epstein, as diku afër tij, dhe deri te deklarata e rreme dhe shpifëse e sontme, kurrë nuk jam akuzuar se kam qenë atje, madje as nga Media e Lajmeve të Rreme".
“Noah, një humbës i plotë, më mirë t’i rregullojë faktet, dhe t’i rregullojë shpejt. Duket se do t’i dërgoj avokatët e mi për ta paditur këtë prezantues të varfër, patetik, pa talent, budalla, dhe për ta paditur për shumë $”.
Trump ka qenë mik i Epstein për vite me radhë, por presidenti amerikan ka thënë se ata janë prishur rreth vitit 2004 – vite përpara se Epstein të arrestohej për herë të parë.
