Amir Rrahmani gati të rinovojë me Napolin deri në vitin 2029, pas refuzimit të ofertave nga Premierliga dhe Arabia Saudite.

Amir Rrahmani ka vendosur të lidhë të ardhmen e tij me Napolin, duke zgjatur kontratën deri në 2029, raportojnë mediat italiane.

Lajmi vjen në një moment kur mbrojtësi qendror kosovar ka treguar një performancë të qëndrueshme dhe të besueshme në fushë.

Marrëveshja e re parashikon një pagë prej 3 milionë eurosh në vit, duke konfirmuar rëndësinë e lojtarit në projektin afatgjatë të klubit napolitan.

Nuk kanë munguar ofertat joshëse për Rrahmanin. Dy klube të Premierligës kanë shfaqur interes të madh, ndërsa një ofertë e rëndësishme ka ardhur edhe nga Arabia Saudite.

Megjithatë, mbrojtësi ka zgjedhur të qëndrojë në Napoli, duke treguar besnikërinë e tij dhe dëshirën për të kontribuar në sukseset e ardhshme të skuadrës.