Gazetari i sportit në “T7”, Endrit Jashari ishte në Tiranë, për të përcjellur nga afër ndeshjen Shqipëri – Serbi.
Ai ishte i pranishëm me “Tifozat Kuq e Zi”, të cilët e ndoqën ndeshjen nga jashtë stadiumit, në një nga sheshet e Tiranës.
Ai tha se atmosfera ishte e zjarrtë jashtë stadiumit, dhe se prania e tifogrupit do të krijonte atmosferë edhe më të mirë në stadium.
“Atmosfera prej fillimit deri në fund të ndeshjes, ishte e zjarrtë. Me Tifozat Kuq e Zi besoj që ndeshja do të shkonte më mirë në stadium. Dhjetëra mijëra tifozë kanë qenë të pranishëm në sheshin e Tiranës. Pas përfundimit të ndeshjes, tifozët vetëm u larguan në kryeqendrën e Tiranës, të gjithë po drejtohen drejt shtëpive të tyre. Ka forca të shumta të policisë. Që nga dje nuk ka pasur asnjë incident”, tha gazetari Jashari në lidhje direkte në “Favorit” nga Tirana.
