Gazetari gjerman i FAZ, Michael Martens, po vazhdon kritikat e tij ndaj presidentes së Kosovës, Vjosa Osmani, për ambicien e saj për t’u rizgjedhur presidente duke u prezantuar si e afërt me presidentin e SHBA’së.
Me një postim ironizues në X, Martens komenton deklaratën e Osmanit se Donald Trump duhet të marrë Nobelin për Paqe, raporton Gazeta Express.
Ai thotë se sugjerimi i Osmanit është i njëjtë si i liderit me prirje autoritare të Hungarisë, Viktor Orban, që po ashtu para zgjedhjeve në vendin e tij është parë të ‘flirtojë’ me të qenit i afërt me Trumpin.
“Trumpi është thjesht Trump dhe shpërndan një video ku Barack dhe Michelle Obama paraqiten si majmunë. Ndërkohë, presidentja e Kosovës Vjosa Osmani, një udhëheqëse largpamëse me integritet të shkëlqyer moral, sugjeron, siç bëri Orban para saj, që Trump duhet të marrë Çmimin Nobel për Paqen”, ka shkruar Martens.
Martens e vazhdon postimin me ironi ndaj Osmanit.
“Njerëzit në Ukrainë, Danimarkë, Grenlandë, Kanada, Poloni etj., ose të dashurit e atyre që u vranë nga ICE, mund të mos e ndajnë këtë entuziazëm. Por me siguri, njerëzit e çliruar nga diktatori i tyre në Venezuelë së shpejti do të shijojnë frytet e demokracisë, që është gjithça që dëshiron Trump. Pra, një zgjedhje e mirë nga Osmani”.
Trump is being Trump and shares a video of Barack & Michelle Obama as monkeys. Meanwhile, Kosovo president Vjosa Osmani, a far-sighted leader of superb moral integrity, suggests, as Orban did before her, that Trump should receive the Nobel Peace Price.https://t.co/gk4BtDyA58 pic.twitter.com/RDVs4SBOef
Në një artikull në FAZ, Martens ka qenë kritik për lëvizjet e Osmanit për të qëndruar në postin e presidentes edhe për një mandat duke përdorë “afërsinë” me Trump.
Për këtë, Presidenca e Kosovës ka thënë se është duke përgatitur padi në gjykatat gjermane -një lëvizje po ashtu e kritikuar nga asociacionet e gazetarëve.
