Opozitari serb, Dragan Gjilas, ka paralajmëruar se regjimi i Aleksandar Vuciq ka dërguar një mesazh alarmant, duke treguar se është i gatshëm të përdorë dhunë kundër qytetarëve për të qëndruar në pushtet.

Ai u bazua në deklaratën e Milenko Jovanov nga SNS, i cili, sipas Gjilas, ka pranuar të paktën indirekt se zyrtarët e partisë së tij do të kishin urdhëruar të qëllohej mbi qytetarët nëse nuk do të ishte Vuçiq në krye.

“Rexhimi i Vuçiqit është dërguar mesazhin më të rrezikshëm deri tani – se janë të gatshëm të qëllojnë mbi popullin e tyre për të qëndruar në pushtet,” tha Gjilas, duke u referuar deklaratës së Jovanov në TV Pink, raporton Nova

Milenko Jovanov, duke lavdëruar shefin e tij, ka thënë se: “Nëse dikush nga ne në krye të Serbisë gjatë 15 muajve të fundit, përveç Aleksandar Vuçiq, do të ishte në pushtet, do të kishim dhjetëra mijëra të vrarë si në Iran.”

Gjilas ka theksuar se kjo tregon qartë se, për udhëheqësit e SNS, jeta e qytetarëve ka pak rëndësi krahasuar me mbajtjen e pushtetit. Ai ka shtuar se Jovanov nuk falënderoi Zot për mungesën e viktimave, por sepse, sipas tij, “revolucioni me ngjyra është mundur”.

“Pra, jetët e qytetarëve nuk kanë rëndësi; mund të ketë ‘dhjetëra mijëra të vrarë’, e rëndësishme është vetëm që SNS të mbetet në pushtet,” ka shtuar Gjilas, duke paralajmëruar se ky është një sinjal i rrezikshëm për demokracinë në Serbi.

Ai gjithashtu ka kërkuar nga SNS që menjëherë të largojë Jovanovin për këtë deklaratë skandaloze dhe ka paralajmëruar se në mungesë të veprimeve, bëhet e qartë se gjithë partitë në pushtet mund të jenë të gatshme të përdorin dhunë për të mbrojtur funksionet dhe privilegjet e tyre.

“Presim që Prokuroria të reagojë për këtë deklaratë të papranueshme,” ka përfunduar presidenti i SSP-së.