Nga 15 deri më 19 shkurt palestra “Mizahir Isma” do të jetë arenë e super ndeshjeve të basketbollit. Me moton ‘n’Rahovec e kem konakun’ do të zhvillohet Final 8 i Kupës së Kosovës.
Tetë skuadrat më të mira të Prince Caffe Superligës, dy të Femrave dhe katër të Ligës së Parë të Meshkujve do të garojnë për trofetë e çmuar në basketbollin e Kosovës.
Ndeshje interesante priten në parket dhe atmosferë sportive në tribuna, duke e bërë madhështore këtë garë, ashtu si e meriton.
Kjo ngjarje zhvillohet gjatë festës së Pavarësisë së Kosovës, duke e madhështuar edhe më shumë Final 8.
Final 8 hapet me gjysmëfinalen e Ligës së Parë mes Bora-s dhe Istogut. Fituesi i kësaj ndeshje në finale e pret fituesin e takimit New Basket-Drita, që zhvillohet të enjten.
Trepça-Vëllaznimi dhe Peja-Rahoveci janë dy super duele që zhvillohen të mërkurën, ndërsa fituesit e këtyre ndeshjeve përballen në gjysmëfinale.
ORARI
E mërkurë 15.02.2023
Ora 14:00 Bora - Istogu (Liga e Parë e Meshkujve)
Ora 17:00 Trepça - Vëllaznimi Grupi D
Ora 20:00 Peja - Rahoveci Grupi A
E enjte 16.02.2023
Ora 14:00 New Basket - Drita (Liga e Parë e Meshkujve)
Ora 17:00 Sigal Prishtina - Bashkimi Grupi B
Ora 20:00 Golden Eagle Ylli - Ponte Prizreni Grupi C
E premte 17.02.2023
Ora 14:00 NDESHJA FINALE - LIGA E PARË
Ora 17:00 GJYSMËFINALJA I GRUPI A - D
Ora 20:00 GJYSMËFINALJA II GRUPI B - C
E diel 19.02.2023
Ora 14:00 FINALJA E KUPËS SË KOSOVËS PËR FEMRAT
Ora 17:00 FINALJA E KUPËS SË KOSOVËS
/Gazeta Express/
