Policia e Kosovës përmes një komunikate për media ka bërë të ditur se me datë 29.01.2026, rreth orës 12:15, Policia ka pranuar informata se në fshatin Gjonaj, Prizren, në afërsi të shkollës, janë dëgjuar të shtëna me armë zjarri nga një automjet i tipit VW Golf.

Menjëherë pas kësaj, patrulla policore është drejtuar në vendngjarje, ku automjeti i dyshuar është identifikuar dhe i është dhënë sinjal për t’u ndalur.

Siç bën të ditur Policia, i njëjti nuk ka respektuar urdhrin e policisë dhe është larguar me shpejtësi, duke u vënë në ndjekje nga patrulla policore e cila ishte ne vendngjarje dhe me pas i janë bashkuar edhe patrulla tjera.

 Pasi që i dyshuari ka ikur policia ka bastisur edhe shtëpinë e të dyshuarit, por ai nuk ka qenë aty.

Në përfundim, i dyshuari është ndaluar, ndërsa arma – një pistoletë me pesë fishekë, të cilën e kishte hedhur në tokë – është gjetur dhe sekuestruar.

I dyshuari H.B. 21 vjeçar  është intervistuar dhe me aktvendim të prokurorit është ndaluar për 48 orë.

“Ndaj tij kanë filluar hetimet dhe do të ngritët kallëzim penal. për veprat penale: “Mbajtja në pronësi, kontroll ose posedim të paautorizuar të armëve” dhe “Përdorim i armës””, thuhet në komunikatë.