Akuzat për pastrim parash dhe mashtrim ndaj kandidatit për president të Barcelonës, Joan Laporta, janë rrëzuar nga një gjykatës këtë javë.

Një javë më parë, një anëtar i Barcelonës kishte depozituar akuzat gjatë garës zgjedhore për atë që do të ishte mandati i katërt i Laportës nëse fiton.

Kandidati opozitar, Victor Font, mohoi se ankesa kishte ndonjë lidhje me të dhe kërkoi heqjen e saj. Ndërkohë, vetë Laporta e përshkroi ankesën si të paqartë, të dyshimtë dhe të frikshme.

Ankesa përfshinte jo vetëm Laportën, por edhe disa nga anëtarët e tjerë të bordit dhe drejtorët e lartë.

Është raportuar nga “El Periódico” (përmes “Sport”) se gjykatësi Santiago Pedraz rrëzoi akuzat, pasi akuzat për pastrim parash, që lidhnin një seri biznesesh të supozuara në Qipro dhe Dubai, gjithashtu kishin ndodhur në Kataloni.

Gjykata e përfshirë, juria e madhe, merret vetëm me rastet e pastrimit të parave që ndodhin ekskluzivisht jashtë vendit.

Për këtë arsye, për t’u marrë parasysh, akuzat duhet të paraqiten në gjykatën rajonale në Barcelonë.

“Sport” raporton se anëtari në fjalë, Isidro Navarro, që dorëzoi ankesën, po e konsideron këtë mundësi dhe ende nuk ka vendosur për hapat e ardhshëm.

Në ankesë përfshihen pesë marrëveshje kryesore që Laporta dhe bordi i tij kanë kryer: komisioni prej 50 milionë eurosh i paguar për Darren Dein në marrëveshjen me “Nike”, qiraja e vendeve VIP për 30 vjet për “New Era Visionary Group” (NEVG), dhënia e kontratës së telekomunikacionit të “Camp Nou” tek “NEVG”, shitja e aseteve digjitale që lidhen me “Bridgeburg Invest”/”Barca Vision” dhe dhënia e projektit të ndërtimit të “Camp Nou” te “Limak” janë të gjitha të vëzhguara dhe kontestohen./GazetaExpress/