Të premten zhvillohen dy gjysmëfinalet e playoff-it në Superliga Femrat, e ku priten të jenë ballafaqime tejet interesante.

Penza kërkon fitore ndaj Bashkimit për ta barazuar serinë në 1-1, kurse Bashkimi në anën tjetër kërkon  fitoren e dytë për të kaluar në finale të play off-it.

Ndeshja do të fillojë nga ora 17:00 dhe do të zhvillohet në Prizren.

Gjysmëfinalja e dytë takon skuadrën e Peja 03 me Prishtinën. Prishtina ka arritur fitore në gjysmëfinalen e parë, andaj fitorja potenciale në këtë ballafaqim do të dërgonte në finale, ndërsa fitorja e Peja 03 do të barazonte serinë në 1-1.

Ndeshja do të zhvillohet nga ora 19:30 në Prishtinë.