Një grabitje ka ndodhur mbrëmjen e sotme në rrugën “Dëshmorët e Kombit” në Prishtinë. Cak i grabitjes ka qenë një kafiteri në lagjen Ulpiana të kryqytetit.

“Me datën 18.12.2019 rreth orës 21:30 kemi pranuar një informatë për një rast të Grabitjes në rrugën ‘Dëshmorët e Kombit’ në Prishtinë në një lokal. Policia me njësitet e saj ka dalë në vendin e ngjarjes dhe po ndërmerr veprimet e nevojshme lidhur me rastin”, ka thënë zëdhënsi i Policisë së Kosovës, Daut Hoxha për Gazetën Express.

Gjithashtu ai shtoi se tashmë janë duke  u ndërmarrë veprimet e nevojshme lidhur  me rastin./Express/