Gjyqtari Granit Pacolli është duke e drejtuar derbin e Ligës së Parë, mes Vushtrrisë dhe Trepçës, që po zhvillohet në “Ferki Aliu”.
Pacolli po e referon ndeshjen e madhe të Ligës së Parë, ndonëse ishte raportuar se ishte suspenduar nga Federata e Futbollit e Kosovës.
Gjatë ditës së djeshme ishte raportuar se gjyqtari Pacolli dhe kolegu i tij, Genc Nuza ishin suspenduar nga FFK-ja për katër xhiro.
Derisa Pacolli po udhëheq derbin e Ligës së Parë, për Nuzën ende nuk ka vendim zyrtar nga FFK-ja, edhe pse po qarkullonin lajme për suspendimin e tij.
Gjatë ditës së djeshme, FFK-ja publikoi vendimet e marra nga Komisioni Disiplinor dhe i Etikës, ku e pësoi Gjilani me disa dënime, për ndeshjen ndaj Dukagjinit, ku gjyqtar kryesor ishte Genc Nuza.
Gjilani u dënua me 1200 euro gjobë, si shkak i lëshimeve në organizimin e ndeshjeve, pasi zyrtarë të klubit kanë ofenduar zyrtarët e ndeshjes gjatë dhe pas ndeshjes.
Sekretari i Gjilanit, Mirand Avdiu është dënuar me dy ndeshjes mosushtrim të detyrës, për ofendime ndaj Nuzës.
Për shkak të fyerjeve ndaj gjyqtarit kryesor, është dënuar me dy ndeshje edhe një zyrtar i Gjilanit. Bëhet fjalë për Adonis Malokun, përfaqësues i sigurisë te Gjilani./GazetaExpress/
