Pep Guardiola ka deklaruar se është "i kënaqur" të qëndrojë si trajner i Manchester City, duke mbyllur spekulimet rreth një largimi të mundshëm në sezonin e ardhshëm.
Trajneri spanjoll u shpreh para ndeshjes së Premier League kundër West Ham këtë të shtunë, duke theksuar se nuk ka asnjë diskutim mbi të ardhmen e tij afatshkurtër te City.
“Unë jam këtu. Kam 18 muaj kontratë dhe jam shumë i kënaqur,” tha Guardiola. “Kjo pyetje ndodh çdo sezon, dhe unë jam i qetë. Nuk ka asnjë diskutim – fund i temës.”
Guardiola, i cili u emërua në krye të klubit në vitin 2016, është trajneri më i gjatë në detyrë në Premier League dhe do të shënojë një dekadë në krye të Manchester City në fund të këtij sezoni. Kontrata e tij aktuale skadon në verën e vitit 2027, pas rinovimit të fundit në nëntor të vitit të kaluar.
Në mesin e emrave të përfolur për ta zëvendësuar është trajneri i Chelseat Enzo Maresca.
Maresca, i cili ka kontratë me Chelsea deri në 2029, ka fituar UEFA Conference League dhe FIFA Club World Cup që nga ardhja e tij në Stamford Bridge.
“Spekulimet nuk më ndikojnë aspak,” tha Maresca në lidhje me lidhjen e tij me postin e trajnerit te City. “Kam kontratë këtu deri në 2029 dhe fokusi im është te ky klub. Është vetëm spekulim.”
Klubi duhet të jetë i përgatitur për çdo skenar, por për momentin, e ardhmja e Guardiola është e qartë: ai mbetet i përkushtuar ndaj Manchester City. /GazetaExpress
