Një nga trajnerët më të famshëm të futbollit, Pep Guardiola, shprehu publikisht mbështetjen e tij për fëmijët palestinezë mbrëmë në Barcelonë.
Në koncertin bamirës Act x Palestina, Guardiola mbajti një keffiye palestineze rreth qafës dhe foli emocionalisht në skenë për vuajtjet e fëmijëve në Palestinë që kanë humbur prindërit e tyre në konflikte.
"Assalamu alejkum. Kur shoh fëmijë që pyesin 'ku është nëna ime?' midis rrënojave, është e vështirë për mua të mos mendoj se i kemi lënë vetëm", tha Guardiola, duke theksuar se njerëzit më të fuqishëm në botë, sipas tij, janë frikacakë që lejojnë fëmijët e pafajshëm të vuajnë ndërsa vetë gëzojnë sigurinë e shtëpive të tyre.
On stage in Barcelona, Pep Guardiola @pepteam speaks for the children of Gaza during the Act x Palestine charity event. Wearing a keffiyeh, he welcomes everyone with a ‘Salam Aleykoum.’
Funds raised tonight are destined for grassroots and humanitarian projects in Palestine. pic.twitter.com/FFoIzPykNd
Guardiola theksoi se kjo është një çështje e dinjitetit themelor njerëzor dhe kujtoi qëndrimet e tij të mëparshme politike, duke përfshirë mbështetjen për palestinezët dhe gjeste publike si mbajtja e një shiriti të verdhë në krah për udhëheqësit e burgosur katalanas.
Koncerti Act x Palestina u mbajt në Palau Sant Jordi në Barcelonë dhe mblodhi më shumë se 30 interpretues nga zhanre të ndryshme muzikore.
Qëllimi i këtij eventi ishte mbledhja e fondeve dhe rritja e ndërgjegjësimit për situatën humanitare në Gaza dhe territoret e pushtuara.
Përveç interpretuesve kryesorë, në skenë u shfaqën edhe të ftuar surprizë, përfshirë Rosalía-n. Fjalimi emocional i Pep Guardiolës tërhoqi vëmendjen më të madhe.
Pas koncertit, Guardiola kthehet në Mançester ku do të udhëheqë Manchester City-n në ndeshjen e Premier League kundër Tottenham të dielën.
