Mesfushori i Manchester Cityt, Ilkay Gundogan, beson se Lionel Messi i Barcelonës, Kevin de Bruyne i Manchester Cityt dhe Kylian Mbappe i Paris Saint-Germainit janë për momentin top tre lojtarët në botë, përderisa e ka lënë jashtë kësaj liste Cristiano Ronaldon e Juventusit.
Kapiteni i Barcelonës, Lionel Messi, e mori çmimin më prestigjioz në botën e futbollit, Topin e Artë, për herë të gjashtë vitin e kaluar, duke i lënë prapa Virgil van Dijkun e Liverpoolin dhe armikun e vjetër tani në Juventus, Cristiano Ronaldon, transmeton Gazeta Express.
Messi dhe Ronaldo kanë qenë në betejë që më shumë se një dekadë për të qenë futbollisti më i mirë në botë dhe asnjëri nuk ka shfaqur shenja ngadalësimi, përkundër që të dy po i afrohet fundit të karrierës.
Ronaldo i ka shënuar 21 gola në 22 ndeshje të Serisë A këtë sezon, duke u ndihmuar bardhezinjve të shpresojnë për ta fituar kampionatin vendore për herë të nëntë radhazi.
Megjithatë, përkundër sukseseve të Ronaldos, Gundogan nuk e radhit 35-vjeçarin në mesin e top tre futbollistëve në botë.
Kur u pyet për top treshen e tij, Gundogan i radhiti Messin të parin, De Bruynen të dytin dhe Mbappen të tretin. /Gazeta Express/
1.) Messi
2.) @DeBruyneKev
3.) @KMbappe https://t.co/HBOlcUKvZm
