Një favorit për të marrë rolin e qendërsulmuesit titullar te kampionët e La Ligës, Barcelona, ka filluar të dalë në pah.

Kjo vjen pas konfirmimit se, në kërkimin e tyre të vazhdueshëm për përforcime në sulm për sezonin e ardhshëm, “Blaugranasit” e konsiderojnë Harry Kane si opsionin më të realizueshëm.

Deco dhe drejtuesit e tjerë pritet të miratojnë afrimin e një sulmuesi të madh në verën e vitit 2026.

Kjo pasi Robert Lewandowski pritet të largohet në përfundim të kontratës së tij në fund të sezonit.

Një numër sulmuesish të profilit të lartë nga e gjithë Evropa janë përfolur si të mundshëm për t’u transferuar në kryeqytetin katalanas.

Dhe, siç u përmend më lart, me kalimin e muajve, një emër ka dalë mbi të gjithë në listën e Barcelonës.

Sipas një raportimi nga “Mundo Deportivo”, për shkak të kostove të mëdha që kërkohen për transferimet e mundshme të Erling Haaland ose Julián Alvarez:

“Opsioni Harry Kane, me një klauzolë lirimi prej 65 milionë eurosh (te Bayern Munich), po fiton terren”, thuhet në raportimin e mediumit spanjoll./GazetaExpress/