Sulmuesi i Manchester Cityt, Erling Haaland, vlerësoi fitoren 4-0 ndaj Liverpoolit të shtunën në çerekfinalet e FA Cup.
Haaland tha për “TNT Sports”: “’Hattricku’? Është diçka e mrekullueshme. Patëm disa vështirësi në pjesën e parë, por filluam të ushtrojmë presion pas minutës së 30-të. Është fantastike; do të kemi edhe një udhëtim tjetër drejt Wembley-t dhe kjo është shumë e rëndësishme. Periudha mes minutës së 30-të dhe të 60-të ishte një nga paraqitjet tona më të mira këtë sezon”.
Ai shtoi: “Ka kaluar shumë kohë që kur bëra një gjë të tillë (‘hattrick’) me Cityn, kështu që ishte koha ta bëja sërish! Është diçka speciale dhe jam jashtëzakonisht i lumtur”.
Duke folur për sezonin e tij, Haaland komentoi: “Ka qenë me ulje-ngritje, gjë që nuk është mjaftueshëm e mirë. Tani kemi një javë të gjatë përpara sepse nuk jemi në Ligën e Kampionëve, dhe kjo nuk është në nivelin e duhur, por duhet të përballemi me Chelsea në një ndeshje tjetër”.
“Do t’i kërkoj Antoine Semenyos të vazhdojë të dërgojë krosime të tilla. Është lojtar i ri dhe i duhet kohë të përshtatet, por krosimi i tij ishte brilant, po ashtu edhe ai i Nico O'Reilly”, shtoi ai.
Sa i përket fitimit të FA Cup, ylli norvegjez përfundoi: “Kam luajtur në një finale të FA Cup dhe tani po shkojmë sërish në ‘Wembley’. Ky klub duhet të fitojë trofe në nivelin më të lartë”./GazetaExpress/
