Deputeti i Lëvizjes Vetëvendosje, Haki Abazi, ka akuzuar presidentin e vendit, Hashim Thaçi, se po punon për të parandaluar formimin e qeverisë LVV – LDK, raporton Gazeta Express

Abazi ka shkruar në Facebook se presidenti Hashim Thaçi me, siç ka thënë ai, sejmenët e tij është duke punuar për dy qëllime pa ndërprerë.

Njëri nga ta, sipas Abazit, është puna për të parandaluar formimin e qeverisë LV – LDK.

Tutje, ai ka shtuar se presidenti po vazhdon të punojë për të realizuar ndarjen e Kosovës, si dhuratë për presidentin serb, Aleksandër Vuçiq.

“Thaçi me sejmenët tij kanë dy qëllime për të cilat po punojnë panderprerë: 1. Të parandalojnë formimin e qeverisë LVV- LDK dhe 2. Të realizojnë ndarjen e Kosovës - dhuratë për “dhurimin” e Vuçiqit”, ka shkruar Abazi. /GazetaExpress/