Trajneri i Barcelonës, Hansi Flick, ka konfirmuar se kapiteni Marc-Andre ter Stegen nuk do të kthehet në fushë, pavarësisht rikuperimit të tij fizik.

Portieri gjerman është përfshirë në formacionin për ndeshjen e parë që nga sezoni i kaluar, pas një operacioni në shpinë.

“Blaugranat” rikthehen në fushë të martën në mbrëmje në orën 21:00 kundër Eintracht Frankfurtit në Ligën e Kampionëve, dhe për herë të parë pas tre vitesh, në “Camp Nou”.

“Mendoj se për të gjithë ishte një ëndërr të kthehesh dhe të luash në ‘Camp Nou’ tani. Gjithashtu është e rëndësishme për Ligën e Kampionëve, sepse mendoj se është një ndeshje shumë, shumë e rëndësishme për ne nesër. Kështu që duhet të fitojmë, duam të marrim tre pikë. Ne gjithashtu duam të tregojmë nivelin tonë më të mirë. Kjo është e rëndësishme nesër,” tha Flick për mediat para ndeshjes.

Ter Stegen ka qenë i vendosur për të luftuar për vendin e tij te Barcelona, pavarësisht nënshkrimit prej 25 milionë eurosh të Joan Garcias në verë.

Pas konfirmimit se ter Stegen mund të ishte në skuadër për ndeshjen ndaj Eintracht, Flick bëri të qartë se kush do të ishte në portë: “Është e qartë. Joan është numri një.”

Gjigantët katalanas paraqitën mbrojtësin Gerard Martin për detyrat me mediat, i cili ka pasur sukses të ri në qendër të mbrojtjes këtë sezon. Flick u pyet se çfarë virtytesh sjell një lojtar si Martin te skuadra.

“Ndonjëherë është mirë të kesh lojtarë që duan të punojnë shumë. Ata kanë mentalitetin dhe qëndrimin e duhur. Ata japin gjithçka në fushë. Gerard gjithmonë përpiqet të japë më të mirën për klubin. Është ëndrra e tij të luajë për Barçën, dhe kjo shihet. Ka besim në atë që mund të bëjë. Ai është shumë i dobishëm për ne. Në këtë pozicion, një lojtar me këmbën e majtë na jep më shumë opsione me topin. Po performon shumë mire”, tha ai.

Pavarësisht fitores mbresëlënëse 5-3 jashtë fushe ndaj Real Betis të shtunën në mbrëmje, lajmi kryesor i fundjavës ishte humbja e Real Madridit ndaj Celta Vigo, që i lë ata katër pikë pas Barcelonës. Megjithatë, Flick nuk tregoi interes për këtë.

“Ne gjithmonë përqendrohemi tek vetja. Nuk shikojmë konkurrencën dhe nuk duam të flasim për të. Jemi të fokusuar dhe e dimë që është një rrugë e gjatë. Kemi më shumë pikë, por është një sezon tjetër. Ishim fantastikë në fund të sezonit të kaluar. Atletico dhe Villarreal gjithashtu po shtyjnë fort. Gjëja e rëndësishme tani është Liga e Kampionëve”, përfundoi ai./GazetaExpress/