Kryetari i AAK-së, Ramush Haradinaj, tha se Kosova qëndron “pa mëdyshje” pranë SHBA’së pas sulmeve të nisura ndaj Iranit.
Ai lavdëroi udhëheqjen e presidentit Donald Trump dhe tha se ai ka dëshmuar vendosmërinë për vlerat demokratike.
“Liria për popullin iranian është më afër se kurrë. Në këto momente vendimtare për paqen dhe stabilitetin global, lidershipi i Presidentit të Shteteve të Bashkuara të Amerikës ka dëshmuar edhe njëherë vendosmërinë dhe forcën e tij të pakontestueshme në mbrojtje të vlerave universale të lirisë dhe demokracisë. Kosova qëndron fuqimisht dhe pa mëdyshje pranë aleatit tonë strategjik, Shteteve të Bashkuara të Amerikës, në krah të paqes, sigurisë dhe rendit demokratik ndërkombëtar”.
Haradinaj tha se beson “fuqishëm se liria dhe demokracia do të triumfojnë”.
“Historia ka treguar se kur kombet e lira qëndrojnë së bashku, asnjë sfidë nuk është e pakalueshme. Zoti i bekoftë Shtetet e Bashkuara të Amerikës. Zoti e bekoftë Kosovën. Zoti i bekoftë të gjithë aleatët tanë”.
