Haxhi Hoti, anëtari i Nismës Socialdemokrate është arrestuar nga Policia e Kosovës, pas kërcënimit që ia bëri liderit të Lëvizjes Vetëvendosje, Albin Kurtit.
Lajmin e ka konfirmuar për Express, zëdhënësi i Policisë së Kosovës, Daut Hoxha.
“ Të gjitha veprimet jane ndërmarr në bashkëpunim dhe koordinim me organet e drejtësisë, personi i dyshuar eshte kerkuar dhe nuk eshte gjet ne shtepi, te njejtit i eshte lene ftesa per paraqitje te menjehershme ne polici dhe jane njoftuar te gjitha njesitet policore se kudo qe takohet i njejti te arrestohet. I dyshuari pas paraqitjes ne polici me urdher te prokurorit eshte derguar ne mbajtje per 48 ore per procedura te metejme”, ka thënë Hoxha për Express.
Policia po e kërkonte Hotin pas një postimi në rrjetin social në facebook, përmes së cilit po e kërcënonte liderin e Lëvizjes Vetëvendosje, Albin Kurtin.
“Albin Kurti i ika 2 rrugë: ose ta lëshojë Kosovën ose të vritet”, kishte shkruar Hoti në profilin e tij në Facebook të cilin e kishte fshirë më pas me arsyetimin se ka ndodhur gabim teknik", kishte shkruar Hoti.
