Kryetarja e Kuvendit të Kosovës, Albulena Haxhiu, sot ka pritur në takim të Ngarkuarën me Punë të Ambasadës Amerikane në Kosovë, Anu Prattipati.

Siç bëhet e ditur në komunikatën për media, në takim u diskutua për zhvillimet e fundit në vend dhe punën e Kuvendit, përcjell Gazeta Express.

‘’Kryetarja Haxhiu tha se bashkëpunimi mes Ambasadës së ShBA-së dhe Kuvendit të Kosovës është i rëndësishëm dhe potencoi synimin për ta fuqizuar edhe më tej në të ardhmen’’, thuhet në komunikatën për media.