Nikoqiri Miami Heat arriti ta mbajë më të heshtur sesa zakonisht MVP-në e NBA, Giannis Antetokounmpo, i cili kontribuoi me vetëm 13 pikë. Në këtë mënyrë, Heat u bë ekipi i parë që i mposht Milwaukee Bucks dy herë brenda këtij sezoni, duke fituar 105:89 të hënën.
Miami Heat ka arritur t’i mposhtë për herë të dytë Milwaukee Bucks, të cilët e kanë rekordin më të mirë në NBA me 52 fitore dhe vetëm nëntë humbje, transmeton Gazeta Express.
Heat është përballur me vështirësi në ndeshjet si mysafir (13 fitore dhe 18 humbje), mirëpo e ka rekordin e tretë më të mirë në ndeshjet e zhvilluara në shtëpi në ligë (26 fitore – katër humbje). Te Miami kontribuuan me nga 18 pikë Jae Crowder dhe Jimmy Butler, dhe Bam Adebayo i shtoi 14 pikë dhe 13 kërcime.
Antetokounmpo u largua nga ndeshja kur kishin mbetur edhe 4 minuta e 33 sekonda lojë në çerekun e katërt, përderisa Miami kaloi në epërsi prej 15 pikëve. Kjo ishte ndeshja e tij më e dobët sa i përket pikëve të shënuara, 13. Ai gjithashtu i shënoi tre asiste dhe 15 kërcime.
Rezultatet e tjera të së hënës në NBA:
Chicago Bulls 109 - Dallas Mavericks 107
New York Knicks 125 - Houston Rockets 123
Portland Trail Blazers 130 - Orlando Magic 107
Memphis Grizzlies 127 - Atlanta Hawks 88
Utah Jazz 126 - Cleveland Cavaliers 113
Indiana Pacers 116 - San Antonio Spurs 111 /Gazeta Express/
