Sekretari amerikan i Mbrojtjes, Pete Hegseth e nisi një konferencë për media duke thënë se gjatë fundjavës vizitoi trupa që janë pjesë e operacionit ushtarak në Iran, por nuk deshi të tregojë se ku shkoi për arsye sigurie.

“Udhëtimi ishte një nder”, thotë ai, duke shtuar se pa "më të mirën e Amerikës”.

Ai përshkruan takimin me një anëtare femër të ushtrisë, e cila, kur ai e pyeti se çfarë i nevojitej për detyrën, i buzëqeshi dhe i tha “më shumë bomba”.

Ndjenja mes trupave me të cilat foli ishte e kundërta e asaj gjatë luftërave në Irak dhe Afganistan, kur ata nuk e dinin “kur do të përfundonte operacioni”, vazhdoi ai.

Hegseth thotë se në këtë operacion, ai sheh motivim, fokus në mision dhe një “urgjencë” për ta përfunduar detyrën.