Ish-banorja e “Big Brother VIP 3” surprizohet me lule dhe tortë romantike, por vazhdon të mbajë të fshehtë identitetin e partnerit.
Ish-banorja e “Big Brother VIP 3”, Heidi Baci, ka rikthyer vëmendjen e publikut, pasi me disa postime të fundit në Instagram ka lënë të kuptohet se në jetën e saj po lulëzon një romancë e re.
Në fotot e publikuara, Heidi shfaqet e buzëqeshur, duke mbajtur një buqetë të madhe me lule dhe një tortë të personalizuar me dedikim romantik. Surpriza duket e menduar me kujdes, duke krijuar atmosferën e një gjesti të ndjerë dhe domethënës.
Në mbishkrimin e postimit, ajo shkruan:
“Ti më bën të ndjehem e veçantë! Faleminderit.”
Megjithatë, pavarësisht interesit të madh nga ndjekësit, Heidi nuk ka zbuluar identitetin e personit që i ka bërë dhuratën. Për momentin, ajo zgjedh të ruajë privatësinë dhe të mbajë gjithçka larg syrit të publikut.
Fansat i janë vërshuar komenteve, duke kërkuar të dinë “kush është ai?” dhe duke shpresuar për një zbulim të shpejtë. Disa madje kanë komentuar se ish-banorja “dukët më e lumtur se kurrë.”
A do ta bëjë publike romancën?
Për momentin, mbetet për t’u parë nëse Heidi do të vendosë të konfirmojë zyrtarisht marrëdhënien ose nëse kjo histori do të mbetet, siç shkruajnë ndjekësit, “vetëm për zemrën”.
Një gjë është e sigurt: kurioziteti është ndezur dhe sytë e fansave janë tek ajo. /GazetaExpress/
