Dashi

Dita e sotme nuk do jetë shumë e kënaqshme, megjithatë fatmirësisht disa familjarë do ju ndihmojnë të rregulloni një pjesë të problemeve që ju kanë shqetësuar së fundmi. Ju që jeni në një lidhje rrezikoni të tregoheni më impulsivë se zakonisht dhe kjo do shtojë debatet dhe mosmarrëveshjet në çift. Mundohuni ta kontrolloni sa më shumë veten dhe të mos reagoni me nxitim. Ju beqarët do i merrni gjërat shtruar dhe nuk do nxitoheni për asgjë. Shumë shpejt do shfaqen mundësi të shkëlqyera edhe për ju. Në punë, gjërat do fillojnë të përmirësohen pak nga pak, por kërkohet durim dhe vetëkontroll. Financat mbajini gjatë gjithë kohës nën vëzhgim nëse nuk doni të përballeni më vonë me probleme serioze.

Shëndeti: Nervozizmi dhe tensioni mund t’ju lodhin më tepër se zakonisht. Pushoni dhe shmangni konfliktet e panevojshme.

Këshilla e ditës: Durimi dhe vetëpërmbajtja do ju ndihmojnë të shmangni gabime të mëdha.

Demi

Gjatë kësaj dite do merrni lajme shumë të bukura dhe do ndiheni vërtet sikur jeni në ëndërr. Nëse jeni në një lidhje, do arrini ta përmirësoni jetën sentimentale dhe do ndiheni të qetë pranë partnerit. Toleranca dhe mirëkuptimi do mbizotërojnë gjatë gjithë kohës. Ju beqarët do bini në dashuri me një të afërm të miqve dhe kjo do sjellë ndryshime të rëndësishme në jetën tuaj. Ndihmesa e miqve do jetë tepër e çmuar. Në punë do jeni më të organizuar dhe do merrni kohën e nevojshme përpara se të hidhni hapa përfundimtarë. Gjithçka do ju duket e jashtëzakonshme. Me financat duhet të tregoheni sa më të kursyer që të mos ju lindin probleme.

Shëndeti: Gjendja do jetë e mirë, por mos e teproni me lodhjen fizike.

Këshilla e ditës: Ruani ekuilibrin mes kënaqësive dhe përgjegjësive.

Binjakët

Në përgjithësi dita e sotme do jetë e suksesshme, sidomos në sektorin profesional. Marsi do ju japë forcë dhe do ju ndihmojë të konkretizoni disa ëndrra. Ju të dashuruarit do jeni në humor shumë të mirë dhe marrëdhënia me partnerin do fillojë të përmirësohet ndjeshëm. Do i kuptoni gabimet e bëra dhe nuk do keni aspak turp të kërkoni falje. Ju beqarët do tregoheni realistë dhe të qartë, prandaj nuk do nxitoheni për asgjë. Në punë do jetë një ditë e shkëlqyer. Do keni ide të jashtëzakonshme dhe do dini t’i vini gjërat në radhën e duhur. Në planin financiar gjendja do jetë mjaft e mirë dhe do mund të hiqni disa para mënjanë për të ardhmen.

Shëndeti: Energjia do jetë e lartë dhe do ndiheni mirë me veten.

Këshilla e ditës: Besoni më shumë në aftësitë tuaja dhe mos hezitoni të veproni.

Gaforrja

Falë Uranit që do e keni gjatë gjithë ditës në krah, nuk do ju mungojë as energjia dhe as entuziazmi. Ka shumë mundësi që dëshirat t’ju realizohen një e nga një. Ju të dashuruarit shfrytëzojeni sa të mundni këtë ditë, sepse jo shpesh do ju paraqiten mundësi të tilla. Partneri do ju mbajë në pëllëmbë të dorës. Ju beqarët do përjetoni kënaqësi të shumta falë disa personave që i keni njohur rishtazi. Në punë, Urani dhe Dielli do ju shtojnë idetë dhe do arrini të gjeni zgjidhje edhe për çështje shumë delikate që dikur ju janë dukur të paarritshme. Në planin financiar duhet të ndërmerrni iniciativa për ta përmirësuar gjendjen, përndryshe rrezikoni të përballeni me probleme serioze.

Shëndeti: Do ndiheni energjikë, por shmangni lodhjen e tepruar.

Këshilla e ditës: Përdoreni energjinë për të ndërtuar diçka të qëndrueshme.

Luani

Ka shumë mundësi të ndiheni gjatë gjithë ditës në ankth dhe aspak të qetë. Ju të dashuruarit, edhe pse në një lidhje, do ndiheni të vetmuar pasi partneri nuk do ju kushtojë vëmendjen që prisnit. Ju beqarët, përkundrazi, do jeni me shumë fat dhe do realizoni takime fantastike që mund t’ju çojnë drejt lidhjeve serioze. Në punë kreativiteti do jetë i jashtëzakonshëm, por kolegët nuk do jua bëjnë rrugën të lehtë. Tregohuni të kujdesshëm dhe shmangni ata që shihni se nuk ju duan të mirën. Në planin financiar do duhet të bëni përpjekje të mëdha për t’i mbajtur të ardhurat në nivele të qëndrueshme. Do lodheni, por do ia dilni.

Shëndeti: Ankthi mund t’ju rëndojë emocionalisht. Mundohuni të çlodheni.

Këshilla e ditës: Mos lejoni që zhgënjimet emocionale t’ju prishin ditën.

Virgjëresha

Do jeni në humor shumë të mirë dhe plot dëshirë për të jetuar gjatë kësaj dite. Gjithçka do ju ecë ashtu siç keni dëshiruar. Ju të dashuruarit do jeni pasionantë dhe emocionet do jenë të njëpasnjëshme. Problemet e së shkuarës do i lini pas krahëve. Ju beqarët do ëndërroni më shumë seç duhet dhe realiteti mund t’ju duket më i trishtë nga sa e kishit menduar. Në punë planetët do ju ndihmojnë të përshtateni me çdo situatë dhe rezultatet që do arrini do ngjallin xhelozi tek disa persona. Marrëdhënia me paranë nuk do jetë e mirë. Gjendja financiare rrezikon të ketë tronditje të mëdha.

Shëndeti: Do ndiheni mirë fizikisht, por shmangni stresin mendor.

Këshilla e ditës: Mbani këmbët në tokë dhe mos u humbni pas ëndrrave të tepruara.

Peshorja

Hëna, Marsi dhe Urani do ju bëjnë më pozitivë gjatë kësaj dite dhe do dini të veproni shpejt në momentin e duhur. Do ndiheni më të sigurt në vendimet që do merrni dhe nuk do humbni kohë kot. Ju të dashuruarit do kuptoheni shumë mirë me njëri-tjetrin dhe së bashku do vendosni për planet që doni të realizoni në të ardhmen. Bashkëpunimi dhe dialogu do jenë pika juaj më e fortë. Ju beqarët do e kërkoni vazhdimisht princin tuaj të kaltër, por me shumë gjasë nuk do arrini ta gjeni ende. Kjo nuk do ju demoralizojë, por do ju bëjë më selektivë. Në punë do tregoheni inteligjentë dhe më të sigurt në vetvete. Sharmi juaj do ju ndihmojë të përfitoni më shumë nga situatat që do krijohen. Gjendja e financave do vazhdojë të mbetet e qëndrueshme dhe do arrini t’i kryeni pa problem shpenzimet e nevojshme.

Shëndeti: Gjendja fizike do jetë e mirë, por duhet të shmangni lodhjen mendore dhe stresin e panevojshëm.

Këshilla e ditës: Veproni me qetësi dhe besoni në aftësinë tuaj për të marrë vendime të drejta.

Akrepi

Dielli do jetë i pozicionuar në mënyrë ideale në qiellin tuaj gjatë kësaj dite dhe kjo do ju sjellë një ditë të shkëlqyer. Për ju të dashuruarit do jetë një ditë mjaft e favorshme. Do jeni të qartë në mendime dhe do dini saktësisht çfarë hapash të hidhni. Marrëdhënia në çift do forcohet ndjeshëm. Edhe ju beqarët do jeni më me fat se kurrë dhe do keni mundësi reale për të gjetur princin tuaj të kaltër. Emocionet dhe kënaqësitë do jenë të forta. Në punë komunikimi do jetë i privilegjuar, çka do ua lehtësojë ndjeshëm gjithçka. Për shumë çështje do jeni në të njëjtën linjë me kolegët dhe shefat. Financat do jenë të mira deri në mesditë, por disa shpenzime të pamenduara mund të sjellin lëkundje.

Shëndeti: Do ndiheni energjikë, por mos e teproni me ritmin e lartë të ditës.

Këshilla e ditës: Mendohuni dy herë para se të shpenzoni para të mëdha.

Shigjetari

Sido që t’ju vijnë gjërat gjatë kësaj dite, nuk do e humbni energjinë dhe gjallërinë. Pengesat do përpiqeni t’i kaloni pa u nxituar. Ju të dashuruarit do jeni shumë të ngarkuar me punë dhe rrezikoni ta lini pas dore partnerin. Do ishte mirë të flisni hapur me të dhe t’ia sqaroni situatën për të shmangur keqkuptimet. Ju beqarët do keni vetëm disa takime normale dhe do mbeteni ende vetëm. Në punë do tregoheni profesionistë dhe do i kryeni me përpikëri të gjitha detyrat që do ju besohen. Nuk do ankoheni për vështirësitë. Në planin financiar gjithçka do ndryshojë për mirë falë mbështetjes së rëndësishme nga disa familjarë.

Shëndeti: Energjia do jetë e mirë, por kujdesuni të pushoni mjaftueshëm.

Këshilla e ditës: Mos e lini pas dore jetën personale për shkak të angazhimeve.

Bricjapi

Edhe pse do keni një dëshirë të madhe për pavarësi gjatë kësaj dite, do arrini të vetëpërmbaheni. Për ju të dashuruarit do jetë një ditë e bekuar nga yjet. Emocionet dhe kënaqësitë do jenë të paimagjinueshme dhe duhet t’i shfrytëzoni sa më shumë. Ju beqarët do kaloni një ditë të qetë, pa takime të veçanta. Duhet të tregoni edhe pak durim që të ndryshoni statusin. Në punë Mërkuri do favorizojë komunikimin dhe do ju ndihmojë të flisni lirshëm me shefat dhe kolegët. Financat do i menaxhoni me maturi dhe nuk pritet asnjë problem.

Shëndeti: Gjendja do jetë e qëndrueshme, por shmangni stresin e tepërt.

Këshilla e ditës: Durimi do jetë çelësi i suksesit tuaj sot.

Ujori

Merrini gjërat ashtu si t’ju vijnë gjatë kësaj dite dhe shfrytëzojeni çdo moment, sepse nuk pritet asgjë negative. Për ju të dashuruarit do mbizotërojë ekuilibri, qetësia dhe mirëqenia. Do ndiheni shumë mirë pranë partnerit. Ju beqarët do dashuroheni kokë e këmbë me një person që do ua prezantojnë miqtë. Megjithatë, merrini gjërat shtruar. Në punë do jeni mjaft të frymëzuar, sidomos nëse punoni edhe nga shtëpia. Idetë brilante do ju sjellin përfitime konkrete. Financat do konsolidohen dhe do filloni projekte të rëndësishme me më shumë qetësi.

Shëndeti: Do ndiheni mirë si fizikisht ashtu edhe emocionalisht.

Këshilla e ditës: Mos nxitoni në vendime sentimentale, lërini gjërat të rrjedhin natyrshëm.

Peshqit

Gjatë kësaj dite do jeni më dinamikë dhe më të vendosur, por edhe paksa impulsivë. Kjo kërkon më shumë vetëkontroll që të shmangni problemet. Ju të dashuruarit do tregoheni bujarë me partnerin dhe do i lini më shumë liri, por kujdes sepse ai mund ta teprojë. Ju beqarët nuk duhet të thurni ëndrra të parealizueshme sepse zhgënjimi mund të jetë i madh. Në punë Mërkuri do nxisë bashkëpunimet dhe shkëmbimet intelektuale. Do ecni me ritme të shpejta dhe do keni imagjinatë të zhvilluar. Në planin financiar pritet një tronditje për shkak të gabimeve të mëparshme.

Shëndeti: Nervozizmi mund t’ju lodhë, ndaj bëni kujdes me ritmin.

Këshilla e ditës: Kontrolloni impulset dhe mos merrni vendime të nxituara