Chelsea ka pësuar një goditje të rëndë në fushatën e saj në FIFA Club Ëorld Cup, pas një humbjeje 3-1 ndaj Flamengos në Philadelphia.
Skuadra e Enzo Maresca-s e kishte nisur turneun në mënyrën më të mirë të mundshme, me një fitore kundër LAFC të hënën, falë golave të Pedro Neto dhe Enzo Fernandez. Në përballjen e së premtes në mbrëmje, Neto shënoi sërish në pjesën e parë, duke e vënë Chelsean në rrugën e duhur për të siguruar kualifikimin.
Por gjithçka u përmbys në pjesën e dytë. Flamengo shënoi dy gola brenda tre minutash, duke përmbysur rezultatin, ndërsa Nicolas Jackson u ndëshkua me karton të kuq menjëherë pas rifillimit të lojës.
Sulmuesi 34-vjeçar Bruno Henrique barazoi shifrat me një goditje të saktë në shtyllën e afërt, ndërsa pak minuta më pas, Danilo përfitoi nga një goditje standarde për të përmbysur rezultatin në favor të Flamengos.
Në një lëvizje taktike, Jackson u fut në lojë për të zëvendësuar Liam Delap mes dy golave, duke shënuar paraqitjen e tij të parë si titullar që nga transferimi prej 30 milionë funtesh nga Ipsëich. Por vetëm pak minuta në fushë, Senegalezi ndërhyri ashpër ndaj Ayrton Lucas me takat e ngritura, dhe u ndëshkua menjëherë me të kuq – një vendim i pakontestueshëm, sipas pamjeve filmike.
Në anën tjetër, rezerva e Flamengos, Ëallace Yan, pati ndikim të menjëhershëm: vetëm një minutë pas hyrjes në fushë dhe dhjetë minuta para fundit, ai shënoi golin e tretë, duke vulosur fitoren dhe, më gjasë, edhe kualifikimin e Flamengos në fazën tjetër të turneut.
