"Sara pse ju shkruan çunave kur e di që janë në një lidhje me një gocë?"

Xheneta Fetahu dhe Sara Gjoka kanë patur një përplasje teksa ishin pjesë e panelit “Trotuar”, në “E Diell”.

Fetahu nuk e kurseu aspak moderatoren, teksa në mes të emisionit ngriti një pretendim të fortë për të duke u shprehur:

“I ke shkruar të dashurit tim ndërsa isha me të”.

Situata u tensionua menjëherë, duke i habitur edhe të ftuarit e tjerë, pasi tema e ditës nuk kishte aspak lidhje me jetën personale të të pranishmëve.

Me tone të drejtpërdrejta dhe pa shumë filtra, modelja e bëri të qartë se ndjen se është thyer një kufi, ndërsa Sara e vendosur përballë akuzës u përpoq të ruajë qetësinë.

Pjesë nga biseda mes tyre:

Xheneta: Sara pse ju shkruan çunave kur e di që janë në një lidhje me një gocë? Po flas për një rast që më ka ndodhur mua dhe asaj.

Sara: Çfarë rasti?

Xheneta: Ti vitin e kaluar i ke shkruar çunit me të cilin kam qenë në një njohje.

Sara: Cili është?

Xheneta: Po ti e di se cili është, ai nuk është fytyrë publike. Ti më ke inçizuar mua kur unë kam folur me ty, e kam me fakte. Mos më bëj moralisten.

Sara: Nuk jam dakord fare që ne të diskutojmë në publik këtë.