India dhe Franca kanë rishikuar një traktat tatimor tredekadësh, duke ulur taksat mbi dividentët për investitorët e mëdhenj francezë, ndërsa zgjerojnë kompetencat e Delhit për të taksuar disa transaksione.

Ndryshimet mund të përfitojnë kompani të mëdha si Sanofi, Renault dhe L'Oreal, të cilat kanë zgjeruar investimet e tyre në Indi gjatë viteve të fundit.

Marrëveshja gjithashtu i jep Delhit të drejtën për të taksuar fitimet kapitale që rrjedhin nga shitja e aksioneve, përfshirë transaksionet ku një entitet francez zotëron më pak se 10% të një kompanie indiane, raporton BBC.

Traktati i rishikuar gjithashtu heq një klauzolë të kombit më të favorizuar, e cila u kishte lejuar entiteteve franceze të kërkonin një normë më të ulët tatimore në Indi.