Një lojtar i martuar i Seattle Seahawks po kritikohet pasi pretendohet se ka dërguar mesazhe flirtuese në “inbox” privat.

Sipas influencueres së rrjeteve sociale YesJulz, një lojtar i Seahawks i ka shkruar në mesazhe direkte pas një fitoreje dhe ajo kërcënoi se do ta ekspozojë duke kritikuar karakterin e tij.

Ish-menaxherja e reperit Kanye West, me bazë në Miami dhe themeluese e “1AM Creative”, njihet për punën në marketing eksperiencial, strategji rrjetesh sociale dhe partneritete me marka si “Puma”, “Beats By Dre” dhe “Red Bull”.

Ajo ishte shumë e drejtpërdrejtë me postimin e saj në “X” më 9 shkurt: “Nëse më shkruani në DM dhe hyj në profilin tuaj e shoh një postim me ju dhe gruan tuaj, do bëj screenshot dhe do ia dërgoj menjëherë asaj. Nuk më intereson as nëse sapo keni fituar Super Bowl. Ka ardhur koha që njerëzit të kenë moral”.

Fansat menjëherë nisën të hamendësojnë se kush mund të ishte lojtari.
“Sam Darnold po përpiqet të bëjë diçka,” shkroi me shaka një përdorues, duke iu referuar quarterbackut të Seahawks.

Të tjerë menduan se kjo ishte thjesht një mënyrë për të tërhequr vëmendje. Komentet në rrjete sociale përfshinin edhe reagime kritike dhe ofenduese ndaj saj.

Në botën e sotme të mediave sociale, hyrja në DM të dikujt shihet si flirt ose tentativë romantike, por personi që YesJulz pretendon se e bëri këtë mund të duhet ta mendojë dy herë pas kërcënimeve të saj.

Prej vitesh kanë qarkulluar thashetheme për një lidhje mes YesJulz dhe superyllit të Los Angeles Lakers, LeBron James, gjatë kohës kur ai luante për Miami Heat.

Ajo i hodhi poshtë sërish këto spekulime në vitin 2025.

Edhe pse pranoi se kishte dalë me dikë nga rrethi i tij gjatë kohës në Miami, ajo mohoi kategorikisht çdo lidhje romantike me LeBron.

Në një “Instagram Live”, ajo tha: “A kam pasur lidhje me dikë që ai e njeh? Po… kam dalë në takime me dikë që ishte rreth tij në atë kohë. Por nuk kam pasur marrëdhënie me LeBron.”

Ajo gjithashtu shprehu respekt të madh për Savannah James, bashkëshorten e rekordmenit historik të NBA-së.

Kur nuk po kritikon meshkujt që i shkruajnë në DM apo mohon thashethemet për lidhje me yje të mëdhenj, ekspertja e marketingut mbetet shumë aktive në rrjetet sociale, duke krijuar përmbajtje, menaxhuar artistë dhe promovuar markën e saj në rritje “NeverNotWorking”./GazetaExpress/