Inter Miami ka zyrtarizuar aktivizimin e opsionit të blerjes së përhershme për mesfushorin argjentinas Rodrigo De Paul, siç u bë e ditur në përditësimin e skuadrës në fund të vitit.

Kampioni i Botës 2022 iu bashkua klubit nga MLS fillimisht në formë huazimi nga Atlético Madrid në korrik, duke regjistruar 2 gola dhe 7 asiste në 23 paraqitje në të gjitha garat.

De Paul u shndërrua në një nga figurat kyçe të suksesit historik të Inter Miami në MLS Cup 2025, duke qenë titullar në të gjashtë ndeshjet e Audi MLS Cup Playoffs dhe duke shënuar golin vendimtar në finalen kundër Vancouver Whitecaps FC.

31-vjeçari, tashmë një nga liderët e skuadrës, do të zërë një vend përkrah Lionel Messit. Ai merr një nga hapësirat e lëna bosh pas largimit të Jordi Alba dhe Sergio Busquets, me kontratë të siguruar deri në vitin 2029.

I njohur si “truproja e Messit” gjatë Kupës së Botës 2022, De Paul ka qenë një figurë kyçe për kombëtaren argjentinase, me 83 ndeshje dhe dy tituj Copa América (2021 dhe 2024). Në karrierën e tij në klube ai ka zhvilluar gati 500 ndeshje me Racing Club, Valencia, Udinese dhe Atlético Madrid.

Me afrimin e tij përfundimtar, Inter Miami synon të jetë sërish protagonist në vitin 2026, ku përveç mbrojtjes së titullit të MLS Cup, do të garojë edhe në Concacaf Champions Cup dhe Leagues Cup. /GazetaExpress