Raportimet në Itali pretendojnë se Interi tani ka arritur një marrëveshje me Al-Hilal për një transferim të mbrojtësit të krahut Joao Cancelo, e cila parashikon që një mbrojtës aktual i “Nerazzurrëve” të lëvizë në drejtim të kundërt.

“Nerazzurrët” kanë qenë në kërkim të një “wing-backu” të ri për t’iu bashkuar skuadrës së Cristian Chivut, pas dëmtimit afatgjatë të Denzel Dumfries.

Ata janë lidhur me një lëvizje për ish-lojtarin e tyre në huazim, Cancelo, i cili mund të largohet nga Al-Hilal këtë muaj dhe që ka tërhequr gjithashtu interesimin e Barcelonës.

Sipas përditësimeve nga “Sky Sport Italia” të hënën, Interi ka një marrëveshje verbale me Al-Hilal për transferimin e Cancelos.

Marrëveshja raportohet se do të përfshijë ose Stefan De Vrij ose Francesco Acerbi që të kalojnë në drejtim të kundërt.

Kjo do të sillte një ribashkim me ish-trajnerin e “Nerazzurrëve”, Simone Inzaghi.

Hapi i radhës për Interin është të bindë vetë Cancelon që të pranojë transferimin.

31-vjeçari thuhet se ka kërkuar edhe një ose dy ditë për të marrë vendimin e tij.

“Sky” pretendon se lëvizja e preferuar e Cancelos do të ishte një rikthim te Barcelona, por mbetet për t’u parë nëse “Blaugranat” do të jenë në gjendje të arrijnë një marrëveshje me Al-Hilal./GazetaExpress/