Pjesë të objekteve të naftës dhe gazit natyror të Iranit u sulmuan nga Shtetet e Bashkuara dhe Izraeli të mërkurën, raportoi agjencia gjysmëzyrtare iraniane e lajmeve Tasnim, duke shtuar se shkalla e dëmeve ende nuk është përcaktuar.

Agjencia përmendi South Pars, një fushë gazi natyror, dhe Asaluyeh, që ka objekte të naftës dhe petrokimike, shkruan CNN.

Ndërkohë, agjencia gjysmëzyrtare iraniane e lajmeve Fars tha se “shpërthime të fuqishme” janë dëgjuar nga disa rafineri në Asaluyeh, duke raportuar se “disa depozita magazinimi dhe zona të objekteve të gazit në faza të ndryshme” të rafinerisë janë goditur.

Stafi është zhvendosur në vende të sigurta, tha Fars, dhe ekipet e shpëtimit po punojnë për t'i shuar zjarret.

Nëse konfirmohet, kjo do të shënonte sulmin e parë ndaj objekteve të prodhimit të naftës dhe gazit natyror të Iranit në këtë luftë.