Sipas raportimeve në Itali dhe Spanjë, të hënën do të zhvillohet një takim vendimtar për Giacomo Raspadori, i cili mund të qëndrojë te Atletico Madrid ose të kërkojë transferimin te Roma.

Reprezentuesi italian është shfaqur si një objektiv kryesor për Romën në afatin e janarit, ku do të kthehej në Serie A pas vetëm gjashtë muajsh në LaLiga.

Ai ishte një investim prej 22 milionë eurosh nga kampionët e Scudettos, Napoli, dhe kishte shpresuar për më shumë minuta loje sesa po merrte te “Stadio Diego Armando Maradona”.

Situata e tij u bë edhe më e vështirë, me vetëm 14 paraqitje, pothuajse të gjitha si zëvendësues. Megjithatë, Raspadori ka arritur të ndikojë me dy gola dhe tre asistime për klubin e ri.

Sipas “Diario AS” dhe “Corriere dello Sport”, italiani pritet të takohet me trajnerin e Atletico Madrid, Diego Simeone, të hënën më 29 dhjetor.

Rezultati i këtij takimi do të vendosë nëse do t’i premtohet më shumë minutazh, apo do t’i lejohet largimi drejt Romës.

Çdo lëvizje do të ishte më së shumti në huazim me opsion blerjeje në fund të sezonit, që mund të kthehet në detyrim nëse klubi kualifikohet për Ligën e Kampionëve./GazetaExpress/