Mjekët kanë diagnostikuar një ish-yll të Premierligës me kancer.
Lojtari e zbuloi këtë mesazh në rrjetet sociale dhe i bëri thirrje burrave të marrin seriozisht çështjet e tyre shëndetësore.
56-vjeçari u bë i dashur në Premierligë gjatë periudhave me West Ham United, Newcastle United, Reading dhe Portsmouth.
Gjatë karrierës së tij në Angli, ai ka luajtur mbi 450 ndeshje. Prandaj, ish-portieri i Premierligës ndau një mesazh prekës në rrjetet sociale.
Shaka Hislop ka zbuluar se po lufton me kancer të prostatës.
Në “Instagram”, ai ndau lajmin me një mesazh emocional për tifozët.
Hislop tha: “Kam një histori për të treguar. Rreth 18 muaj më parë, shkova për kontrollin tim vjetor dhe insistova për një test PSA, siç bëj gjithmonë. Por këtë herë PSA-ja ime ishte e ngritur. Një MRI dhe biopsi vendosën shpejt se kisha një kancer të prostatës mjaft agresiv. Një vit më parë, pothuajse në këtë datë, më 6 dhjetor përkatësisht, kryeva një prostatektomi radikale. Mendova se mbaroi gjithçka. Por pastaj, gjashtë muaj më vonë, PSA-ja ime po rritej përsëri dhe një skanim tjetër tregoi se kanceri i prostatës kishte përhapur në kockën e legenit. Fillova medikamentin pak pas kësaj dhe vetëm këtë mëngjes përfundova shtatë javë e gjysmë terapi rrezatimi. Udhëtimi vazhdon”.
Që nga pensionimi, Hislop është bërë një analist i respektuar në “ESPN”.
Popullariteti i tij si analist ishte i madh. Ai gjithashtu përdori njoftimin për të nxitur burrat të marrin seriozisht kontrollin e prostatës.
Ai tha: “Nëse jeni diku si në Mbretërinë e Bashkuar ose diku tjetër ku testet PSA nuk inkurajohen, duhet të insistoni. Historia e kancerit në familje nuk ka rëndësi. Kam bërë testime gjenetike dhe nuk u gjetën shenja në familjen time, megjithatë ky vit tregoi se, pa hyrë në detaje të shumta, as kjo nuk përjashtoi të gjithë anëtarët e afërt të familjes sime”.
Mesazhi i Hislop ishte i qartë, veçanërisht për burrat karibianë që përballen me normat më të larta të vdekshmërisë: testimet e rregullta dhe ndjekja e niveleve të PSA mund të bëjnë të gjithë diferencën.
Që nga njoftimi i tij, shumë tifozë i kanë dërguar mbështetje gjatë kësaj kohe të vështirë./GazetaExpress/
