Davante Cooper është përforcimi i radhës i huaj i Istogut.
Klubi istogas ka bërë të ditur se ka shtuar në radhët e veta basketbollistin amerikan, shkruan Gazeta Express.
KB Istogu, përmes faqes zyrtare të klubit, vetëm zyrtarizoi transferimin e tij, duke mos bërë të ditura detaje apo informata rreth lojtarit.
Cooper luan në pozitën e qendrës dhe është i gjatë 208 centimetra.
Ai në sezonin e kaluar ishte pjesë e skuadrës nga Azerbajxhani, Olimpic Sheki.
Në sezonin 2021/22, 28-vjeçari ishte pjesë e Vllaznisë së Shkodrës.
Davante Cooper karrierë ka bërë edhe në Shtetet e Bashkuara të Amerikës, Argjentinë, Kolumbi, Bosnjë-Hercegovinë, Malajzi e Uruguai. /Gazeta Express/
