Italia pësoi humbjen më të rëndë në shtëpi në 70 vitet e fundit me rezultatin 4-1 kundër Norvegjisë në mbyllje të fushatës kualifikuese për Kupën e Botës, një rezultat që konfirmon bilancin e dobët të kombëtares kur luan në “San Siro”.

Pavarësisht se kryesuan 1-0 në pjesën e parë me golin e Pio Espositos, “Azzurrët” u rrëzuan pas minutës së 60-të, duke pësuar katër gola nga Antonio Nusa, Erlins Haaland (2) dhe Jorgen Strand Larsen.

Rezultati e mbajti Norvegjinë me 100% fitore në kualifikimet e Botërorit, dhe ata do të kalojnë tani në turneun final në Amerikën e Veriut këtë verë.

Italia, për herë të tretë radhazi, do të duhet të kalojë nëpër play-off, pasi përfundoi e dyta në Grupin I me gjashtë fitore dhe dy humbje në tetë ndeshjet kualifikuese.

Pas humbjes 4-1 të së enjtes kundër Norvegjisë, Italia ka fituar vetëm tre nga 13 ndeshjet e fundit të luajtura në “San Siro”.  Kjo përkon me një përqindje suksesi rreth 23%.

Italia ka luajtur 13 ndeshje në San Siro në 19 vitet e fundit dhe gjatë kësaj kohe ka marrë fitore vetëm kundër Danimarkës në kualifikimet e Botërorit 2012, kundër Anglisë në Nations League 2022 dhe kundër Ukrainës në kualifikimet e EURO 2023.

Gjashtë nga 13 ndeshjet e fundit në San Siro kanë përfunduar në barazim, dhe katër kanë përfunduar me humbje. Më shqetësuese, tre ndeshjet e fundit të Italisë në San Siro kanë përfunduar të gjitha me humbje.

0-0 barazim vs. Franca (kualifikime për EURO, 08/09/2007)
3-1 fitore vs. Danimarka (kualifikime për Kupën e Botës, 16/10/2012)
1-1 barazim vs. Gjermania (miqësore, 15/11/2013)
1-1 barazim vs. Kroacia (kualifikime për EURO, 16/11/2014)
0-0 barazim vs. Gjermania (miqësore, 15/11/2016)
0-0 barazim vs. Suedia (kualifikime për Kupën e Botës, 13/11/2017)
1-2 humbje vs. Spanja (Nations League, 06/10/2021)
1-0 fitore vs. Anglia (Nations League, 23/09/2022)
2-1 fitore vs. Ukraina (kualifikime për EURO, 12/09/2023)
1-3 humbje vs. Franca (Nations League, 17/11/2024)
1-2 humbje vs. Gjermania (Nations League, 20/03/2025)
1-4 humbje vs. Norvegjia (kualifikime për Kupën e Botës, 16/11/2025)

Ende nuk është konfirmuar se ku Italia do të luajë gjysmëfinalen e play-offit të Kupës së Botës. “Azzurrët” do ta kenë avantazhin e fushës, dhe sipas SportMediaset, kjo mund të luhet në “San Siro”, ose potencialisht në “Stadio Olimpico” në Romë, apo në “Allianz Stadium” në Torino.

Gjithashtu mbetet për t’u parë nëse Italia do të jetë në shtëpi apo si mysafire në finalen e play-offit, duke supozuar se kalojnë gjysmëfinalen. Kjo do të përcaktohet në shortin e play-offit të enjten./GazetaExpress/