Prokuroria Speciale e Kosovës ka ngritur aktakuzë në Gjykatën Themelore në Prishtinë kundër A.A., e cila dyshohet për veprën penale “Organizimi dhe pjesëmarrja në grup terrorist”

Prokuroria Speciale ka njoftuar se e dyshuara A.A., në nëntor të vitit 2015, me vetëdije të plotë se bashku me bashkëshortin H.S. dhe vajzën D.S. kanë udhëtuar nga Kosova në Stamboll.

Pas Stambollit, ata kishin shkuar në Siri, për t’iu bashkangjitur ISIS-it.  

“Prokuroria Speciale njofton se e pandehura A.A. më 23.11.2015, me vetëdije të plotë, së bashku me bashkëshortin e saj, H.S. dhe vajzën e tij, D.S. e kanë lëshuar vendbanimin e tyre të përhershëm në Republikën e Kosovës, përmes Aeroportit ndërkombëtar “Adem Jashari” kanë udhëtuar për në Stamboll – Turqi. Më pas të njëjtit kanë hyrë në shtetin islamik në Siri, me qëllim që ti bashkëngjiten organizatës terroriste “ISIS”, e nga e cila organizatë është financuar rregullisht me një shumë të hollash prej 50 euro në muaj”, thekson Prokuroria Speciale.

Me këto veprime e pandehura A.A. ka kryer veprën penale “Organizimi dhe pjesëmarrja në grup terrorist” nga neni 143 paragrafi 2 të Kodit Penal të Republikës së Kosovës. /GazetaExpress/