Izraeli hodhi qindra municione kundër rreth 500 objektivave si pjesë e një vale masive goditjesh të njëkohshme ndaj Iranit, tha ushtria izraelite në një deklaratë të shtunën.
Objektivat përfshinin sisteme të mbrojtjes ajrore dhe lëshues raketash balistike në Iranin qendror dhe perëndimor, tha Forcat e Mbrojtjes së Izraelit (IDF), raporton CNN.
Rreth 200 avionë luftarakë kryen sulmin e koordinuar, tha IDF, duke e quajtur atë “fluturimi ushtarak më i madh” në historinë e forcës ajrore të vendit.
Goditjet kundër sistemeve mbrojtëse mundësuan “zgjerimin” e epërsisë ajrore mbi Iranin, tha IDF, dhe dobësuan aftësinë e Teheranit për të lëshuar raketa balistike drejt Izraelit.
